243 पटक हेरिएको 
जन्म नेपाल देश हजुर मरण नेपाल देश
प्यारो लाग्छ आफ्नो भाषा आफ्नै देश बेस
जहाँ जाऊँ जेजे होऊँ मातापिता जून
ढुकढुकीमा हुन्छन् सधैँ बाँसुरीमा धून
बर्मा जाँदा कर्मसँगै शिरमाथि केश
जन्म नेपाल देश हजुर मरण नेपाल देश
हिमालचुली मुस्कुराउँछन् महानतामा खुली
कतै बस्न सकिँदैन अस्तित्वलाई भुली
सुखदुःख आँसुहाँसो मनमा हुन्छ ठेस
जन्म नेपाल देश हजुर मरण नेपाल देश
काठमाडौँ
